Flogið er í með Icelandair til Brussel kl. 07:35 um morguninn og þaðan áfram til Istanbúl með Turkish Airlines. Þriðji leggurinn er frá Istanbúl til Manas flugvallar í Bishkek, höfuðborgar Kirgistan. Lent er kl. 04:30 að morgni næsta dags. Þá er klukkan 22:30 á íslenskum tíma.

Rútur bíða okkur á flugvellinum þegar við lendum. Um 40 km eru frá flugvellinum til höfuðborgarinnar.

Við innritum okkur eldsnemma um morguninn inn á hótel Plaza, sem er 4ra stjörnu hótel og hvílum okkur eftir flugin. Eftir morgunmat á hótelinu byrjum við borgarferðina okkar. Við heimsækjum Ala-Too torgið sem er  hjarta borgarinnar og  þar sem ríkissögusafnið er staðsett. Eftir það njótum við þess að ganga um í Eikargarðinum, einum af uppáhalds stöðum heimamanna. Bishkek  er þekkt sem grænasta borgin í Mið-Asíu, þökk sé ótal görðum og göngustígum sem gera borgina að frábærum stað til að búa. Við heimsækjum einnig Pobeda-torg, minnisvarða helgaðan sigri Sovétríkjanna í seinni heimsstyrjöldinni. Eftir hádegismat munum við hafa tíma til að heimsækja markaðinn, Osh bazar. Hér er hægt að upplifa  sköpunargáfu og hæfileika handverksfólksins. Um leið og stigið er inn á markaðinn hverfum við inn í austurlenska stemningu með fjölda fólks og mikla fjölbreytni og litagleði í vörum.

Um kvöldið förum við á einn af bestu veitingastöðunum í borginni þar sem við fáum að smakka dýrindis kirgíska þjóðarrétti. Gist á Plaza hótel um nóttina. https://www.plazahotel.kg/ru/ 

Við borðum morgunverð áður en við skráum okkur út af hótelinu. Búast má við um 200 km akstri yfir daginn og er fyrsti hluti ferðarinnar u.þ.b 1 ½ tími í akstri. Dagurinn hefst með heimsókn í Burana-turninn sem er forn bænaturn í Chuy-dalnum í norðurhluta Kirgistan. Hann er staðsettur um 80 km frá höfuðborginni, nálægt borginni Tokmok. Turninn varðveitir muni úr grafreitum, kastalarústir og þrjú grafhýsi. Þetta er allt sem eftir stendur af hinni fornu Balasagyn-borg sem var stofnuð af Karakhanidunum í lok níundu aldar.

Hádegisverður er borðaður hjá kirgískri fjölskyldu á leiðinni nálægt Burana-turninum. Eftir það höldum við áfram að Chon Kemin-gljúfrinu. Þetta er einstakur staður þökk sé ótrúlegri fegurð og ríkulegri fjölbreytni dýra og plantna. Við höfum tækifæri til að ganga um gljúfrið og virða fyrir okkur víðáttumikla fjallasýn. 

Kvöldverð borðum við hjá fjölskyldu á gistiheimilinu. Gist á gistihúsinu Kemin um nóttina. https://maps.app.goo.gl/H2LpgEqgFBA5s1Pu7 

Í dag munum við halda að Issyk Kul sem er stórt saltvatnslón með dýpi allt að 700m (700 m. að dýpt) . Búast má við um 230 km akstri yfir daginn og göngu um gljúfur í um 1-2 tíma. Á leiðinni til Issyk Kul munum við stoppa í Kyzyl Tuu þorpinu þar sem heimamenn afhjúpa leyndarmál Yurt tjaldanna og hvernig þau eru búin til. Við fáum tækifæri til að læra af þeim og leggja þeim lið. Fjölskylda þessi  hefur stundað þetta einstaka handverk í margar kynslóðir.

Í Bokonbaevo hittum við arnaveiðimann með fuglinn sinn en arnarveiði er ein af elstu hefðum kirgisa. Við fáum að fylgjast með hraða arnarins og aðferðum við veiðarnar. 

Hádegisverður verður borðaður á gistiheimili.

Þá bíður okkar hinn vel faldi Skazka dalur og glúfur sem eru oft eru kölluð ævintýragljúfin. Hér má finna klettamyndanir á ótrúlegum skala. Skýjakastalar og allskonar skrýtnar styttur verða á vegi okkar. Við reiknum með um 1-2ja tíma göngu um gljúfrin.

Síðan höldum við áfram til Tosor sem stendur við vatnið. Þar fáum við að upplifa fyrstu nóttina okkar í Yurt tjaldbúð. Hægt er að fá sér sundsprett í vatninu eða hvíla sig á bakkanum. Við borðum saman kvöldverð í Yurt tjaldbúðinni.

Salerni og sturtur eru í sér aðstöðu, útivið.

Eftir morgunverð leggjum við af stað til hins fallega Djety Oghuz gljúfurs þar sem við munum verja hálfum degi. Búast má við um 200 km akstri og klukkutíma göngu yfir daginn. Steinninn „broken heart“ varðar innganginn að gljúfrinu á sérstakan og rómantískan hátt. Á efra svæði Djety Oghuz eru einnig fjallavötn og fossar. Gangan að fossinum er u.þ.b. klukkustund. Málsverður verður í „picnic“ stíl í miðjunni á þessum einstaka stað.

Þegar við komum til bæjarins Karakol heimsækjum við fræg kennileiti eins og rétttrúnaðarkirkjuna og Dungan moskuna. Karakol er fjórða stærsta borgin í Kirgistan, en ásýndar er frekar þorpsleg þar sem tíminn líður hægt og eins og hann hafi staðnað í Sovét-tímanum.

Við heimsækjum Dungan moskuna, einstaka byggingu sem líkist kínverskri pagóðu. 

Við höldum áfram til rétttrúnaðarkirkju hinnar heilögu þrenningar, sem trékirkja sem byggð er án þess að nota einn einasta nagla. 

Við borðum kvöldverð já Dungan fjölskyldu sem er þjóðflokkur og samfélag múslima sem flutti frá Kína og settist hér að.

Gist er á 70 Hotel.

Eftir morgunverð búum við okkur í göngu sem er um 3.5 km með um 500m lækkun. Fyrst keyrum við um 100km til Semenovka sem er talinn einn fallegasti staðurinn við Issyk-Kul vatnið. Þar finnum við fyrir furutré og grænar fjallshlíðar og heyrum vatnsniðinn í jökulánum. Akstur dagsins verður tæpir 300 km.

Hér komum við að öðru smærra vatni sem er lengra inn í gljúfrinu þar sem við borðum nestið okkar. Gangan er sem áður segir um 3.5 km.

Í Kochkor kynnumst við heimafólki og þeirra lífsháttum. Konurnar sýna okkur hvernig þær vinna felti, sem er ull sem blönduð er með dýrahárum og jafnvel trefjum.

Einnig er möguleiki að kynnast listinni við að framleiða hefðbundin hirðingjateppi, sem kallast "Shiyrdak" og "Ala Kiiiz", með aðferð sem er viðurkennd af UNESCO heimsminjaskránni.

Við gistum í gistiheimilinu Mira eða sambærilegri gistingu.

Eftir morgunverð leiða fallegir vegir okkur til Son Kul vatnsins og búast má við um 130 km akstri í dag. Við keyrum yfir Moldo Ashu fjallaskarðið sem er í 3.400 m hæð. Þaðan virðist vatnið fyrir neðan vera örsmátt en eftir því sem við göngum nær kemur í ljós hversu stórt og fallegt það er í raun og veru. 

Við komum í Yurt tjaldbúðir þar sem við njótum gestrisni hirðingjanna, kynnumst lífsstíl þeirra og siðum. Við borðum kvöldverð í búðunum og gistum í Yurt tjöldum um nóttina. Sameiginleg salerni eru í sér aðstöðu, útivið.

Eftir morgunverð búumst við til heimferðar í átt að Bishkek þar sem gist verður á Plaza  þar sem ferðin byrjaði. Smátt og smátt nálgumst við höfuðborgina og við höfum tækifæri til að slaka á í rútunni og njóta útsýnisins á leiðinni. Búast má við tæplega 400 km akstri í dag.

Við æjum í bænum Kochkor þar sem við fáum hádegisverð hjá fjölskyldu sem þar býr.

Þegar komið er til Bishkek innritum okkur á hótelið en förum svo beint á markaðinn þar sem hægt er að gera góð kaup, kaupa gjafir og annað handverk sem gaman væri að taka með sér heim.

Kvöldverður og gisting er á Plaza Hotel.

Hér hafa farþegar val um dægradvöl. Annað hvort er hægt að hafa það náðugt í borginni Bishkek eða fara í náttúruþjóðgarðinn í Ala Archa sem er í um 40 km fjarlægð frá höfuðborginni. Akstur sem búist er við yfir daginn er um 70 km.  Gangan hefst í 2.200m hæð og gengið er upp í 2.665m hæð. Um er að ræða 4-5 km göngu.

Gengið er um gljúfrið og fjallasýnin skoðuð.  Landslagið er ósnert og 50 tindar skreyta þjóðgarðinn. Hann hefur allt sem má búast má við í svona fjallasal, snævi þakta tindaa, hraðskreiða læki, hásléttur og furuskóga.  Allt sem til þarf til að hvíla sig og slaka á eftir góða hringferð um Kirgistan. 

Við njótum nestispakkans í þessu ferska lofti á leið inn að fossinum.

Kveðjukvöldverður á veitingastað í Bishkek og gist á Plaza Hotel. Við borðum kannski í fyrra fallinu, því flugið daginn eftir er í bítið. 

Lagt af stað frá hótelinu á flugvöllinn kl. 03:30 . Flugtak kl. 05:55. Flugleiðin heim er í gegnum Istanbúl með Turkish Airlines til Osló. Frá Osló er flogið með Icelandair og áætluð lending er kl. 17:20 sama dag. Við vinnum til baka 6 tíma á heimfluginu