Ævintýri í Mexíkó

Fiðrildaferðir bjóða þér í magnaða ævintýraferð til Mexíkó dagana 25.október til 8.nóvember 2025.

Ferðinni er heitið til Oaxaca borgar sem er höfuðborg samnefnds hérðaðs á Yukutan skaganum. Þar munum við njóta matar og menningar á einstökum tíma árs! Ef þú hrífst af mat og matargerð, mörkuðum, litagleði, list, vingjarnlegu fólki, sögu og handverki þá er þetta ferð fyrir þig!


Við tökum þátt í hátíð heimamanna “El Dia De Muertos” eða Allraheilagamessu sem er helsta hátíð heimamanna og Mexíkó búa og er hreint magnað að taka þátt í henni og fylgjast með. Á þeim degi er nefnilega hægt að komast í samband við framliðna ættingja og fólk hópast í litríka kirkjugarðana með mat og drykk.

Við heimsækjum textílvinnslu heimakvenna og söfn, förum á matreiðslunámskeið, skoðum kaffi- og kakóvinnslu, drekkum hið víðfræga Mescal og skoðum fornleifasvæði Monté Alban svo eitthvað sé nefnt.

Við gistum á skemmtilegu “boutique” hóteli í miðbænum, sjá hér

Ferðin endar svo í strandbænum Puerto Escondido þar sem slakað er á síðustu dagana.

Íslenskur fararstóri verður í ferðinni og ennfremur mexíkóskur leiðsögumaður.

Ferðin er farin í samvinnu við Altruvistas ferðaskrifstofuna á Hawaii - sjá www.altruvistas.com og verður eigandi ferðaskrifstofunnar okkur innan handar í ferðinni.

ATHUGIÐ!

Aðeins eru 14 sæti í boði í þessa ferð!

Bókaðu ferðina hér!

Skoða má nákvæma ferðalýsingu ásamt verði hér að neðan.

  • Mexíkó liggur að Bandaríkjunum í norðri, Kyrrahafi í vestri og suðri, Gvatemala og Belís í suðri, og Mexíkóflóa og Karíbahafi í austri.

    Höfuðborg landsins er Mexíkóborg, sem er ein af stærstu borgum heims en þar búa 22 milljónir manna.

    Mexíkó hefur ríkulega menningararfleifð sem sameinar menningu innfæddra og spænska arfleifð. Landið er þekkt fyrir litríkar hátíðir, fjölbreytta matargerð, svo sem tacos, enchiladas og guacamole, og ótrúlegar fornminjar eins og rústirnar í Teotihuacan, Chichen Itza og Palenque og Monte Alban.

    Landslag Mexíkó er einnig mjög fjölbreytt en þar má finna eyðimerkur, fjöll, regnskóga og fallegar strendur.

    Mexíkó er eitt af tíu fjölmennustu löndum heims með um það bil 130 milljónir íbúa.

  • Við munum dvelja í Oaxaca sem er lítil borg í suðurhluta Mexíkó, þekkt fyrir fornminjar, menningarhátíðir og fjölbreytta matargerð.

    Hún er höfuðborg Oaxaca-fylkis og þar búa um 300.000 manns.

    Borgin er staðsett í fallegum dal og er umkringd af fjöllum með fjölbreyttri náttúru.

    Oaxaca er einnig þekkt fyrir ríka menningarlega arfleifð og fornleifar eins og Monte Albán og Mitla, sem eru mikilvægur hluti af sögu Mexíkó.

    Borgin er einnig fræg fyrir hátíðina Día de los Muertos og við munum einmitt fá tækifæri til að taka þátt í og upplifa þennan einstaka dag sem er ævintýri út af fyrir sig.

    Matargerð í Oaxaca er einnig einstaklega fjölbreytt og þar er framleitt bæði te og kaffi.

    Ennfremur er héraðið þekkt fyrir litríka textílframleiðslu.

    Gist verður á Hotel Casona boutique hótelinu sem er frábærlega staðsett í miðborginni.

  • Dagur hinna dauðu eða Día de los Muertos er hefðbundin mexíkósk hátíð sem fagnar lífi og minningu látinna ástvina.

    Hátíðin fer fram 1. og 2. nóvember ár hvert og sameinar bæði innfæddar amerískar og kaþólska trúarhefðir.

    Helstu þættir Día de los Muertos

    Altari (Ofrenda): Fjölskyldur búa til altari heima hjá sér eða í kirkjugörðum til að heiðra minningu látinna ástvina. Ofrendas eru skreytt með myndum af hinum látnu, kertum, mat, drykk og öðrum minningargjöfum.

    Marigolds (Cempasúchil): Appelsínugul blóm, marigolds, eru notuð til að skreyta altari og grafir. Blómin eru talin laða að sálir hinna látnu og leiða þær til altarans.

    Calaveras (Skulls): Skreytingar í formi hauskúpa úr sykri, leir eða pappírsmassa eru notaðar til að tákna hin látnu. Þessar hauskúpur eru oft litríkar og skreyttar með blómum og öðrum táknum.

    Pan de Muerto: Sæt kaka/brauð sem er borið fram á Día de los Muertos. Brauðið er oft skreytt með beinum úr deigi og er ætlað hinum látnu.

    Heimsóknir í kirkjugarða: Fjölskyldur heimsækja grafir ástvina sinna, hreinsa þær og skreyta með blómum, kertum og ofrendas. Margir eyða nóttinni í kirkjugörðum, syngja, dansa og borða til að minnast hinna látnu.

    Hátíðin Día de los Muertos er ekki sorgleg heldur gleðileg fagnaður á lífi hinna látnu. Hún táknar einnig trú Mexíkana á að dauðinn sé ekki endirinn heldur nýtt upphaf.

  • Monte Albán var fyrsta borgin í Mið-Ameríku og höfuðborg Zapotekanna. Borgin var reist í fjallendi til að hægt væri að verja borgarana er hætta stæði að.

    Hún er gríðarlega mikilvægt fornleifasvæði og stór partur af menningararfleifð Mexíkó. Þar er safnið Museo Nacional de Antropología sem fróðlegt er að skoða.

    Central Plaza í Monte Albán er aðaltorgið í miðju borgarinnar, þar sem helstu viðburðir fóru fram. Þetta svæði var mjög mikilvægt í daglegu lífi Zapotek-manna og var notað til ýmissa athafna, þar á meðal trúarathafna og opinberra viðburða. Torgið er umkringt pýramídum, hofum og öðrum merkum byggingum.

    Danzantes er einn af merkilegustu stöðum Monte Albán. Nafnið er dregið af myndum sem sýna menn í óvenjulegum og sveigðum stellingum, og voru þeir taldir hafa verið dansarar eða fangar. Þessar myndir eru meitlaðar á steinplötur sem eru staðsettar í einni af pýramídunum á torginu. Danzantes er talin vera ein elsta og merkasta byggingin í Monte Albán

  • Textílhefð í Oaxaca er mikilvægur hluti af menningu á svæðinu. Má sjá flókið handverk og mynstur og her eru náttúrleg litarefni nýtt, og má þar nefna indigo bláan og cochinea og eru litirnir ótrúlega fallegir og sterkir.

    Zapotekar, Náhuatl og Mixtekar frumbyggjarnir hafa haft mest áhrif á textílhefðina í Oaxaca í gegnum aldirnar og hver þjóðflokkur átti sín einkenni og stíl

    Huipil og rebozo eru tvær helstu textílgerðir sem eru algengar í Oaxaca

    Huipil er langur strokkur sem konur klæða sig í og rebozo er skýla sem konur nota til að halda á börnum sínum eða til að verjast veðri.

    Textíllinn í Oaxaca er ekki bara listaverk, heldur einnig mikilvægur menningar- og samfélaglegur hluti af daglegu lífi sem gefur innsýn í lífið og menningu þjóðarinnar.

  • Mexíkósk matarhefð er rík og fjölbreytt, með djúpum rótum í menningu og sögu landsins. Hún sameinar matarmenningu innfæddra með áhrifum frá spænskum landnemum þannig að til verður gómsætur og litríkur matur.

    Hér má nefna nokkra rétti:

    Tacos: Ein vinsælasta mexíkóska máltíðin, oft fyllt með kjöti, fiski, grænmeti og borið fram með salsa, lime og kóríander.

    Enchiladas: Tortillur fylltar með kjöti, osti eða baunum, rúllaðar upp og bakaðar með sósu.

    Tamales: Maísmjöl fyllt með kjöti, osti eða grænmeti, vafið í maíshýði og soðið.

    Guacamole: Maukað avókadó með lime, lauk, tómötum og kóríander.

    Mole: Flókin sósa gerð úr mörgum hráefnum, þar á meðal súkkulaði, chili og kryddum, oft borið fram með kjöti.

    Helstu hráefni

    Maís: Grunnhráefni í mörgum réttum, þar á meðal tortillum, tamales og pozole.

    Chili: Notað í mörgum réttum til að bæta bragði og hita, bæði ferskt og þurrkað

    Baunir: Svartar baunir og pinto baunir eru algengar í mexíkóskum réttum.

    Avókadó: Notað í guacamole og sem viðbót í marga rétti.

    Kóríander: Algengt krydd í mörgum réttum og sósum.

    Matarhefðir

    Salsas: Sósur gerðar úr tómötum, chili, lauk og kryddum, notaðar sem meðlæti eða í réttum.

    Tortillas: Maís- eða hveititortillur eru grunnur margra mexíkóskra máltíða.

    Pozole: Hefðbundin súpa gerð úr maís, kjöti og kryddum, oft borin fram við hátíðleg tækifæri.

    Mexíkóskur matur er ekki bara bragðgóður heldur einnig menningarlega mikilvægur, þar sem hann sameinar fjölbreytt hráefni og matreiðsluaðferðir sem hafa þróast í gegnum aldirnar

  • Kaffirækt í Oaxaca er mikilvægur hluti af efnahag og menningu svæðisins. Oaxaca er þekkt fyrir framleiðslu á hágæða kaffi, sem er ræktað í fjalllendi og hefur einstakt bragð og gæði. Kaffiræktendur í Oaxaca leggja mikla áherslu á sjálfbærni og sanngjörn viðskipti, sem tryggir að kaffið sé framleitt með virðingu fyrir umhverfinu og samfélaginu.

    Helstu atriði um kaffirækt í Oaxaca:

    Sjálfbær ræktun: Margir kaffibændur í Oaxaca nota lífrænar og sjálfbærar aðferðir við ræktun kaffis, sem stuðlar að verndun umhverfisins og bætir lífsskilyrði bænda.

    Sanngjörn viðskipti: Kaffiræktendur í Oaxaca taka þátt í sanngjörnum viðskiptum, sem tryggir að þeir fái sanngjarnt verð fyrir kaffið sitt og stuðlar að betri lífsskilyrðum fyrir þá og fjölskyldur þeirra.

    Einstakt bragð: Kaffið frá Oaxaca er þekkt fyrir sitt einstaka bragð, sem er afleiðing af sérstökum ræktunaraðferðum og jarðvegi svæðisins.

  • Eftir viðburðarríka og annasama daga er gott að slaka á á ströndinni við Puerto Escondido þar sem dvalið verður síðustu dagana.

    Hótelið er staðsett rétt við ströndina og hér gefst tími til að slaka á eða upplifa, allt eftir vild!

    Hér er slóð á hótelið:

    Galería – Aldea del Bazar Hotel & Spa

Ferðalýsing

  • 25.október

    Flogið er með Icelandair til Chicago kl.16.25.

    26.október

    Flogið er kl. 1.00 til Mexíkóborgar og þaðan kl. 6.05 til Oacaxa.

    Lent í Oacaxa kl.7.20.

    Tékkað inn á hótel.

  • Náð verður í hópinn á flugvöllinn Xoxocotlán International Airport (OAX)

    Við slökum á eftir langt ferðalag á hótelinu en kl. 17.00 hittum við leiðsögumann ferðarinnar,  Citlali ásamt Maliu Everett og Ásdísi Guðmundsdóttur. Dagskrá kynnt og hópurinn hristur saman.

    Kl. 19.00 verður sameiginlegur kvöldverður á veitingastað í nálægð við hótelið.

  • 9:00           Við leggjum af stað til að skoða hinn magnaða stað Monte Albán þar sem líta má fornleifar sem má rekja til 5. aldar. Staðurinn er rétt fyrir utan Cruz Xoxocotlán, sem er litil borg og er ein elsta borg Mexíkó. Við fræðumst um sögu staðarins og getum rölt um og skoðað.

    13.00         Við fáum hádegisverð á stað sem heitir Mirador del Fortin

    15.30           Við fáum fyrirlestur frá sagnfræðingi um sögu borgarinnar og menningarlegan fjölbreytileika Oaxaca… með Margaritu í hönd!    

    Kvöldið frjálst til að skoða borgina.

  • Við förum í sögugöngu um borgina og meðal áfangastaða okkar er El Zocalo torgið í miðborg Oaxaca, sem er iðandi af lífi og veitingastöðum. Við heimsækjum Santo Domingo de Guzman hofið,  sem er gott dæmi um barokkarkitektúr, fornleifasýningarnar á svæðisminjasafni Oaxaca og markaðirnir 20 de Noviembre og Benito Juarez.

    Nánar um El Zocalo https://www.lonelyplanet.com/mexico/oaxaca-state/oaxaca/attractions/zocalo/a/poi-sig/1379800/361604

    Nánar um Santo Domingo

    https://en.wikipedia.org/wiki/Church_of_Santo_Domingo_de_Guzm%C3%A1n

    Nánar um Minjasafnið

    https://www.lonelyplanet.com/mexico/oaxaca-state/oaxaca/attractions/museo-de-las-culturas-de-oaxaca/a/poi-sig/433806/361604

    Hádegismat munum við borða á matarmarkaðnum Mercado 20 de Noviembre.

    15.00                Við prufum hinn fræga drykk Mescal á hótelinu með Mtra. Sósima Olivera.

    16.30 - Frjáls tími

  • Eftir morgunmat förum við til Santa Cruz Xoxocotlan og fáum að spreyta okkur á matargerðarlist Oaxaca! Um er að ræða matreiðslunámskeið sem stendur allan daginn, eða frá 9-15.

    Áður en það hefst, fáum við fyrirlestur um matargerð Mexíkóa og förum á markaðinn og kaupum í matinn og svo eldum við saman og njótum góðs matar í lokin.     

    https://en.wikipedia.org/wiki/Santa_Cruz_Xoxocotl%C3%A1n

    Við snúum aftur til Oaxaca seinnipartinn og heimsækjum listagallerí kvenna í grafík með Mtra. Alejandra Canseco.

    Kvöldið frjálst,  til dæmis tilvalið að kynnast Mariachi tónlistinni sem er áberandi í borginni. 

  • Í dag heimsækjum við bæinn Etla https://en.wikipedia.org/wiki/Villa_de_Etla sem er bær rétt fyrir utan Oaxaca.

    Etla var upphafleg höfuðborg Zapotecs áður en Monte Alban tók yfir, og þar eru rústir og gömul saga til að skoða og upplifa. Við skoðum kirkjuna og klaustrið  sem er frá 16. öld og svo er það markaðurinn (Tianguis).  

    Við fáum að sjá hvernig Pan de Muerto er útbúið, en það er sætabrauð sem er mótað eins og bolla og oft skreytt með beinlaga köllum sem kallast fingurbein. Það er borðað dagana áður en hátíðin El Dia de la muertes hefst.  Við fáum einnig að sjá hvernig Quesillo ostur er búinn til en það er dásamlegur hvítur strengjaostur sem bráðnar í munninum!

    13.00            Hádegisverður í Villa de Etla, Restaurante Isabel.

    15.00 Við fáum athyglisverðan fyrirlestur frá Cristina Nuñez, græðara, sem fræðir okkur um lækningaraðferðir Í Oaxaca. Við munum taka þátt í athöfn sem kallast Temazcalera en þar eru jurtir notaðar til hreinsunar líkama og sálar.

    19.00            Komið á hótel.

    20.30          Nú hefst hinn eiginlegi undirbúningur að Dia de Muertos, þar sem við munum undirbúa okkar altar.

  • Dagurinn okkar byrjar með heimsókn til „The Just Market“, sem eru framleiðendur lífræns kaffis. Við heyrum frá meðlimum CEPCO sem eru samtök kaffiframleiðenda í Oaxaca og fræðumst hjá þeim um kaffi og sanngjarna viðskiptahætti (Fair Trade) í Mexíkó. 

    Kl. 11:00 Gönguferð um Grasagarðana.

    Kl. 13.00 Hádegisverður í Masa de Maiz Independencia 804.

    15.00          Hringur forfeðra og altarin útbúin.        

    19.00      Kvöldverður að hætti heimamanna á “Como en el Pueblo”

    Eftir kvöldmat heimsækjum við kirkjugarðinn  Panteon með Verónica Aguilar Almeida. 

    23.00 Snúum til baka á hótelið.  

  • Í dag er Dia de los Muertos, eða Dagur hinna dauðu, sem nær yfir 1. og 2. nóvember. Hefðin, sem hefur verið haldin hátíðleg í þúsundir ára, má rekja aftur til frumbyggjaættbálka í Mexíkó, og er ein helsta hátíð Mexíkóbúa.  Á þessum degi er hægt að ná sambandi við framliðna og fólk þyrpist í kirkjugarðana með mat og vín og þar er sungið og grátið og tónlist spiluð. 

    Við skoðum hefðbundin altör Día de los Muertos sem oft eru hrein listaverk.  Skólar og félagsstofnanir halda keppnir fyrir bestu altörin og sum eru ótrúlega  fallega skreytt og litrík

    Altörin eru útbúin til heiðurs þeim látna og þar er deilt með framliðnum brauði, salti, ávöxtum, uppáhalds kræsingum, vatni og, ef þau eru fullorðin, víni. Þetta snýst um að vera nær sínum látnu til að ná sambandi við þau og minningu þeirra og líf þeirra. "La ofrenda" er endurfundur með helgisiði sem kallar fram minningar.

    Þessi athöfn er mikilvægt tákn um ást og virðingu gagnvart látnum ættingjum og vinum, og endurspeglar djúpa menningararfleifð Mexíkó.

    Kl. 9:00 Ferð til San Bartolo Coyotepec. Heimsókn á safn þjóðlistarinnar ásamt heimsókn til leirkeraverkstæðis þar sem við fáum að spreyta okkur!

    https://en.wikipedia.org/wiki/San_Bartolo_Coyotepec

    Kl. 13:00 Hádegisverður í Cuilapan.

    Kl. 15:00 Frjálst tími til hvíldar, eða fara út að versla og kvöldverðar. 

    Hér gefst okkur einnig tækifæri til að láta mála andlit okkar eins og hefð er fyrir á þessum degi.  

    Kl. 19:00 Njótið vökunnar Comparzas de los Viejos með heimafólki.  Í kvöld er partý með framliðnum ættingjum og vinum!

  • Kl. 9:00 Morgunverður.

    Kl. 10:00 Við heimsækjum vinnustofu Nueva Vida (sýning um vefnað teppa úr ull og náttúrulegum litum) í Teotitlán del Valle, Þorpið er frægt fyrir hefbundinn vefnað og hágæða vefnaðarvörur.  Við munum einnig heimsækja Milenario Arbol del Tule.

    https://en.wikipedia.org/wiki/Teotitl%C3%A1n_del_Valle

    https://en.wikipedia.org/wiki/%C3%81rbol_del_Tule

    Kl. 13:00 Hádegisverður.

    Kl. 14:30 Eftir það munum við ganga um hofið [16. öld], fornleifasvæðið í Teotitlán del Valle og förum á markaðinn áður en við snúum aftur til Oaxaca City.

    Kl. 16:00 Kvöldið frjálst.

  • 9:00                Við heimsækjum gallerí og njótum þess að rölta um bæinn en  þar sem þetta er síðasti dagurinn í Oacaxa er ágætt að nýta hann til að versla, fara á kaffihús, fá sér kokteil eða bara slaka á. Handverkið í bænum er ótrúlegt og nú er tíminn til að kaupa gjafir og fallegt handverk. Njótum síðasta dagsins til hins ítrasta!

    18:30 pm        Sameiginlegur kvöldmatur á El Sagrario.

  • Morgunmatur og tékkað út af hótelinu. Okkar leið liggur til hins fallega bæjar Puerto Escondido sem er í 3 tíma akstursfjarlægð.

    Við tékkum inn en förum svo strax á ströndina! Hér er morgunmatur og kvöldmatur innifalinn.

    https://aldeadelbazar.mx/galeria/

     Meðal þess sem hægt er að gera er:

    Höfrunga-  skjaldböku- og hvalaskoðunarferðir

    Skjaldbökur á Playa Bacocho Á hverju kvöldi fyrir sólsetur safnast stór hópur fólks saman við Vive Mar, sem staðsett er á Bacocho ströndinni. Markmiðið er að vernda sjóskjaldbökueggin á ströndum Oaxaca. Fyrir 100 peso framlag færðu jicara (þurrkaða kúlu) með lítilli sjóskjaldböku innandyra. Allir raða sér síðan upp til að sleppa litlu skjaldbökunni sinni. Sjálfboðaliðarnir standa nálægt til að kasta sandi á þá  fugla og krabba sem hafa áhuga á þessu æti á ferð þeirra yfir sandinn í hafið.

    Matargerð í Oaxacan héraðinu er víðfræg og hér getur þú bókað einstaka matarupplifun

    https://www.viator.com/tours/Puerto-Escondido/Made-in-Oaxaca-Food-Tour/d23875-155910P2

    • Fuglaskoðun

    • Markaðir 

    • Ganga meðfram Andador Escénico

    Svo er hægt einfaldlega bara hægt að slaka á og njóta sólarinnar!

    Ennfremur er hægt að fara í golf og siglingu.

    Þessir dagar eru frjálsir og hægt að slaka á eða hvað sem ykkur dettur í hug. https://oaxacatraveltips.com/things-to-do-in-puerto-escondido/

    Meðal þess sem hægt er að gera er:

    Höfrunga-  skjaldböku- og hvalaskoðunarferðir

    Skjaldbökur á Playa Bacocho Á hverju kvöldi fyrir sólsetur safnast stór hópur fólks saman við Vive Mar, sem staðsett er á Bacocho ströndinni. Markmiðið er að vernda sjóskjaldbökueggin á ströndum Oaxaca. Fyrir 100 peso framlag færðu jicara (þurrkaða kúlu) með lítilli sjóskjaldböku innandyra. Allir raða sér síðan upp til að sleppa litlu skjaldbökunni sinni. Sjálfboðaliðarnir standa nálægt til að kasta sandi á þá  fugla og krabba sem hafa áhuga á þessu æti á ferð þeirra yfir sandinn í hafið.

    Matargerð í Oaxacan héraðinu er víðfræg og hér getur þú bókað einstaka matarupplifun

    https://www.viator.com/tours/Puerto-Escondido/Made-in-Oaxaca-Food-Tour/d23875-155910P2

    • Heimsækja  Mezcal vínverksmiðju

    • Snorkla

    • Surf námskeið

    • Á hestbaki inn í sólsetrið 

    • Lífljómun (Bioluminescence Tour)  Puerto Escondido Syntu í sjónum undir stjörnubjörtum himni í lóninu nálægt Puerto Escondido þar sem sjávardýrið lýsir upp vatnið. BEst er að fara þegar nóttin er sem dimmust en þá er best að sjá ljósin frá dýrunum.   

    • Fuglaskoðun

    • Markaðir 

    • Ganga meðfram Andador Escénico

    Svo er hægt einfaldlega bara hægt að slaka á og njóta sólarinnar!

  • Kl. 12.00 tékkum við okkur út og ökum til Oaxaca sem tekur 3 tíma.

    Tékkum inn á hótel í Oaxaca kl.15.00

    18.30 Sameiginlegur kveðjukvöldverður þar sem við fögnum lífinu!

  • Flogið frá Oaxaca til Mexíkóborgar kl. 6.00

    Flogið frá Mexíkóborg til Chicago kl. 8.30

    Flogið frá Chicago til Keflavíkur kl.18.30 og lent á Íslandi kl. 6.40 að morgni 9.nóvember.

Verð:

kr. 875.000

2. manna herbergi

kr. 100.000

Aukagjald fyrir 1 manns

herbergi

Bókaðu ferðina hér

Staðfestingargjald er kr. 100.000 og greiðist við skráningu í ferð og er óafturkræft.

Gjaldið greiðist inn á reikning 133-26-016446, kt. 570724-1850.

FYRIRVARI

Lágmarksfjöldi í ferðina er 14 manns og áskilur Fiðrildaferðir sér rétt til að fella niður ferð ef lágmarksfjöldi næst ekki og verður þá staðfestingargjald endurgreitt.

Innifalið:

Flug til og frá Mexíkó.

Gisting með morgunverði í Oacaxa og Puerto Escondido.

4 kvöldverðir. 

Aðgangseyrir inn á söfn og aðra dægradvöl sem tilgreind er í dagskrá.

Allur akstur.

Íslensk fararstjórn.

Enskumælandi leiðsögumenn.

Ekki innifalið: 

Ferðir til og frá Keflavík.

Matur um borð í flugvélum á leið til og frá Mexíkó.

Áfengir drykkir nema það sem tekið er fram í dagskrá.

Valkvæð dægradvöl og annað sem sérstaklega er tekið fram að sé ekki innifalið í  ferðalýsingu. 

Vegabréfsáritun til Bandaríkjanna (ESTA).

Ferðamannakort í Mexíkó (47 usd) sem sækja þarf um áður en ferðast er til landsins.

Fararstjórn

Fararstjóri er Ásdís Guðmundsdóttir, stofnandi og eigandi Fiðrildaferða. Ásdís hefur farið með hópa til Indlands og Hawaii á undanförnum árum og stofnaði ferðaskrifstofuna Fiðrildaferðir í júlí 2024.

Hún hefur leiðsögumannapróf frá Leiðsöguskóla Íslands og hefur skipulagt ferðir á Íslandi fyrir erlenda hópa.

Malia Everette verður hópnum innan handar í ferðinni, en hún er stofnandi ferðaskrifstofunnar Altruvistas á Hawaii. Hún hefur mikla reynslu í að skipuleggja ferðir um allan heim og hefur farið með nokkra hópa til Oaxaca.

Ferðaskrifstofa hennar leggur áherslu á samfélagslegar ferðir.